Kökəlmə yalnız qəbul etdiyimiz qidalardan asılı olmur.  Mütəxəssislər orqanizmdə artıq piylərin yığılmasına və azalmamasına səbəb olan 10 vərdişi qeyd edirlər.

Aztibb.az həmin vərdişləri təqdim edir:

- Çox yatan zaman orqanizmdə kortizol hormonu çox ifraz olunur. Bu da yuxudan durduqda yeməyə olan iştahı artırır. Kökəlmək istəmirsinizsə o zaman gün ərzində 7-9 saatdan artıq yatmayın.

- Səhər yuxudan durarkən ilk işimiz pəncərəni açmaq və gün şüalarının otağa daxil olmasına şərait yaratmaq olur. Günəş doğarkən 20-30 dəqiqə gün şüası qəbul eləmək orqanizmin çəki indeksinin normallaşmasına səbəb olur. Belə ki, günəş çıxan zaman gün şüaları qəbul eləmək maddələr mübadiləsini sürətləndirir.

- Mütəxəssislər uzun müddət çəkisini ölçməyən adamların kökəlməyə meyilli olduqlarını söyləyirlər. Onların fikrincə, hər gün çəkini yoxlayan adamlar çəkilərinin azaldığını gördükdə müsbət motivasiya olunurlar və arıqlamağa meyilli olurlar.

- Səhər və günorta yeməyini yaxşı yemək və axşam yeməyini azaltmaq çəkinin azalmasına səbəb olur. Hətta bəzi mütəxəssislər səhər yeməyi zaman kalorili qida qəbul etməyə üstünlük verməyin kökəlməmək üçün faydalı olduğunu qeyd edirlər.

- Kökəlməmək üçün boşqabınıza qoyulan qidaların hamısını qəbul etməyin.  

- Uzun müddət divan və kresloda oturmaq insanın kökəlməsinə səbəb ola bilər. 

- Qazlı su içməyə olan meyillilik insanı kökəldir. Onun tərklibində kalori və belə sulara asılılıq yaradan maddələr olur. Bu maddələr də insanı kökəldir.

- Yuxunun normallaşdırılması kökəlmənin qarşısını alan amillərdən biridir. Nə qədər yorğun olmağınızdan asılı olmayaraq çalışın saat 22.00-dan tez yatağa girməyin.

- İşıq olan otaqda yatmayın. Gecə lampası, televizor və ya kompüter işığı altında yatmaq nəinki sinir sisteminə, hətta piy toxumalarına mənfi təsir edir.

- Gecə yatarkən səhərə qədər mətbəxə girməməyə söz verin və sözünüzə əməl edin. Bu vərdiş sizi kökəlməkdən qoruyacaq.