"Talassemiyalı xəstələr üçün ən radikal müalicə üsullarından biri sümük iliyi translantasiyasıdır. Lakin təəssüf ki, ölkəmizdə talassemiyalı pasiyentlərin ən böyük problemi donorların azlıq təşkil etməsidir”.

Aztibb.az xəbər verir ki, Milli Hematologiya və Transfuziologiya Mərkəzinin icraçı direktoru Valeh Hüseynov TƏBİB və REAL TV-nin birgə layihəsi olan “TƏBİB məsləhəti” verilişində “Milli Hematologiya və Transfuziologiya Mərkəzi və onun fəaliyyəti” mövzusunda çıxışı zamanı bildirib.

İcraçı direktor bildirib ki, bu pasiyentlərin cəmi 10%-i üçün bacı və qardaşları arasından donor tapılması mümkün olur: “Bu səbəbdən beynəlxalq registrlərə müraciət etməli oluruq. Ölkəmizdə isə iki ildir ki, bu registrin qurulması üzərində işlər davam etdirilir. Bu kimi registrin qurulması üçün xüsusi göstəricilər olmalıdır. Bu göstəricilər arasında kök hüceyrə verə bilən insanların sayının çox olması vacib şərtlərdəndir. Düşünürəm ki, yaxın gələcəkdə registrin hazırlanması işlər yekunlaşacaq”.