Məqalədə bildirilir ki, insanları qorxudan, bəşəriyyəti təhlükə ilə üz-üzə qoyan COVID-19 xəstəliyinə yoluxanların sayı dünyada, o cümlədən də ölkəmizdə azalmaqdadır. Son günlərin statistik göstəricilərinə baxdıqda istər-istəməz arxada qalan təlaşlı, vahiməli günləri xatırlayır, bir az da ciddi şəkildə virusdan qorunmağa çalışırıq. COVID-19 pandemiyası bəşəriyyəti yalnız ölüm təhlükəsi ilə hədələmədi, eyni zamanda ölkələrin iqtisadiyyatına da külli miqdarda ziyan vurdu:

 

"Səhiyyə sistemi az qala fəaliyyətinin əsas hissəsini koronavirusla mübarizəyə səfərbər etdi. Hazırda əldə edilən müəyyən yumşalmalardan arxayınlaşmaq olmaz. Hər kəs ayıq-sayıqlığını itirməməli, kütləvilikdən uzaq dayanmalıdır.Belə ki, koronavirusdan törənə biləcək, mənşəyi məlum olmayan digər xəstəliklərə düçar olmamaq, eləcə də normal, adi həyata qayıtmaq üçün hamı vaksinasiya olunmalıdır".