Ultrabənövşəyi şüalar xalın təhlükəli olma ehtimalını artırır. Buna görə də, bədəndə çoxlu sayda xalları olan insanlar qızmar Günəş altında  xüsusilə ehtiyatlı olmalıdır. İnsanlar xallarını, xüsusilə Günəş altında uzun müddət qaldıqdan sonra mütəmadi olaraq yoxlamalı və onlara daim nəzarət etməldir.

Aztibb.az medikforum.ru-ya istinadla xəbər verir ki, bu haqda MOLE klinikasının skrininq üzrə mütəxəssisi Laura Harker "Express" nəşrinə danışıb. Onun sözlərinə görə, ilk mərhələdə melanoma (dəri xərçəngi) qeyri-adi, yeni və ya dəyişən xal kimi çıxa bilər, ona görə onun erkən aşkar edilməsi həyat xilas edə bilər. Bu səbəbdən hər hansı "şübhəli" xalla rastlaşdıqda həkimə müraciət etmək zəruridir.

Xalın təhlükəli olduğunu necə anlamaq olar? Laura Harker aşağıdakı göstəricilərə diqqət yetirməyi vacib hesab edir:

Asimmetriya. Dəri xərçənginin sələfləri asimmetrik formaya malik ola bilərlər.

Sərhəd. Xalın kənarları kələ-kötür olur.

Rəng. Xalın rəngi daha çox bir çalara malikdir və başqa xalların rəngindən fərqlənir.

Diametr. Yaxşı olar ki, xal 7 millimetrdən böyük (təxminən karandaşın ucu ölçüsündə) olmasın.

Dəyişiklik. Əgər xal inkişaf edirsə və ya ölçüsünü, formasını, rəngini dəyişdirirsə o zaman "şübhəli" xalı yoxlatmaq lazımdır.

Yüksəliş. Xalı əl ilə qaldırmaq mümkün olursa, o, təhlükəli ola bilər.