Aztibb.az xəbər verir ki, bu fikirləri həkim-fitoterapevt Fizuli Hüseynov bildirib.

 

O, bildirib ki, kahını gündə bir dəfə yemək gecəni rahat yatmağa kömək edir. Kahı əsəbləri sakitləşdirir, yuxunu dərinləşdirir. Hər gün yeyiləndə bağırsaqları çalışdırır, qəbizliyin qarşısını alır, babasil xəstələri üçün çox faydalıdır. Kahı yeni qan yaradır, çünki tərkibində K vitamini vardır. Bundan başqa kahıda zəngin A vitamini də vardır. Kahı dəriyə cavanlaşdırıcı bir effekt verir, gözləri işıqlandırır. Kahıdan hamiləlikdə də istifadə etmək olar. Bu bitki zəngin mineralları və vitaminləri hesabına doğulacaq uşağın sağlam olması üçün faydalıdır.

 

 

Kahıda zəngin C vitamini də vardır ki, bu, bizim ən çox ehtiyacımız olan bir vitamindir. Kahının tərkibindəki zəngin antioksidantlar insanı xərçəng olmaqdan qoruyur. Kahıda zəngin omeqa-3 də vardır ki, bu da böyüməkdə olan uşaqlar üçün çox faydalıdır. Kahıdan arıqlamaq istəyənlər geniş istifadə etməlidirlər. Belə ki, kahı bağırsaqları yumşaldır, orqanizmi toksinlərdən qoruyur. Yeməkdən əvvəl üzərinə zeytun yağı tökülmüş kahı yemək iştahı zəiflədir.

 

Kahı ana südünü əhəmiyyətli dərəcədə artırır, tərkibindəki kalsium hesabına sümük ərimələrində (osteoporozda) və klimaks keçirən xanımlar üçün faydalı bir qidadır. Hər nemətin həddindən artıq istifadəsi zərərli olduğu üçün bu, kahıya da aiddir. Belə ki, həddindən artıq istifadə qanın laxtalanmasına və cinsi istəyin azalmasına səbəb ola bilər. Kahını müxtəlif salatlara qarışdırıb, üzərinə zeytun yağı əlavə edib yemək olar. Məsələn, pomidor, xiyar, keşniş, pendir, kahı, şüyüd və zeytun yağından hazırlanmış salat çox faydalıdır.