Daha çox əşyalarla təmasda olan uşaqlarla bağlı gigiyenik normalara tam əməl etmək mümkün olmadığından parazitar infeksiyaların yayılması üçün şərait yaranır. İstənilən halda uşaq oyuncaqlarını hər zaman steril saxlamaq, uşaqların əllərini əşyalarla təmasdan sonra hər dəfə yumaq mümkün olmur.

Aztibb.az tibbi mənbələrə istinadla xəbər verir ki, uşaqlara əlyuma vərdişini qazandırmaq çox vacibdir. Bu vərdiş bir çox digər xəstəliklər kimi onları bağırsaq parazitlərindən də qorumağa kömək edəcək:

- Sanitar qovşaqlardan istifadə etdikdən sonra, yeməkdən əvvəl, parkda oynadıqdan sonra və evə daxil olduqda mütləq əllər yuyulmalıdır.
- Uşaqların dırnaqları təmiz və qısa olmalıdır.
- İçilən suyun təmizliyinə diqqət edilməlidir.
- Çiy yeyilən tərəvəz və meyvələr təmiz yuyulmalıdır.
- Ətin yaxşı bişdiyindən əmin olmaq lazımdır.
- Uşaq yataq dəstləri, oyuncaqlar yüksək temperaturda yuyulmalıdır. Buna xüsusilə uşaq bağçası və yataqxana kimi yerlərdə diqqət edilməlidir.