İyunun 29-da Səhiyyə Nazirliyinin İctimai Səhiyyə və İslahatlar Mərkəzi tərəfindən Azərbaycan Dövlət Bədən Tərbiyəsi və İdman Akademiyasının tələbələri üçün “Zərərli vərdişlər və narkomaniyaya yox deyək” mövzusunda maarifləndirici onlayn tədbir keçirilib.

Aztibb.az xəbər verir ki, tədbirdə Mərkəzin Layihələrin əlaqələndirilməsi şöbəsinin müdir müavini Ülkər Camalova geniş təqdimatla çıxış edib. O, zərərli vərdişlərin gənclərin sağlamlığına, inkişafına göstərdiyi təhlükələrdən bəhs edib, narkotik maddələrdən istifadənin qısa zamanda fiziki və psixi asılılıq yaratdığını nəzərə çatdırıb.

Tədbirin yekununda iştirakçıları maraqlandıran suallar cavablandırılıb.