Mərkəzi Klinika ilə Bakı Oxford Məktəbi arasında icra olunan layihəyə yekun vurulub.

 

Aztibb.az xəbər verir ki, bu məqsədlə təşkil olunan tədbirdə Mərkəzi Klinikanın baş direktoru Həsən Qəndilov və Bakı Oxford Axşam Məktəbinin icraçı direktoru Günay Hacıyeva iştirak ediblər.

 

Tədbirdə Həsən Qəndilov Mərkəzi Klinikada bugünədək yüzlərlə şəxsə kurs və seminarların keçirildiyini, onların yüksəkixtisaslı kadr kimi yetişdirilməsinə dəstək verildiyini bildirib. 

 

"Sevindirici haldır ki, artıq layihənin icrası yüksək səviyyədə yekunlaşdırılıb. Layihədə iştirak edən məktəblilər Mərkəzi Klinika nümunəsində səhiyyə sistemimiz və həyata keçirilən tibbi xidmətlərlə yaxından tanış olublar. Bu isə həmin məktəblilərin gələcəkdə peşə təhsili istiqamətini daha məlumatlı və məqsədyönlü şəkildə seçmələrində, eləcə də gələcək karyeralarının düzgün planlaşdırılmasında mühüm əhəmiyyət kəsb edəcək", - deyə baş direktor H.Qəndilov vurğulayıb.