Ana südü uşaqlar üçün olduqca faydalıdır. Onu əvəz edə bilən heç bir qida vasitəsi yoxdur. Ana südünün tərkibi uşağın hər gününə, hər saatına görə dəyişir. Əvvəl günlər süd az yağlı olursa, sonrakı hər keçən günə görə süd yağlanır və tərkibi daha da qatılaşır. Ana südü uşağın gələcək həyatında da mühüm rol oynayır. Belə ki, uşağın immun sistemi və normal metabolizmasına təsiri çoxdur. Uşaq üçün ana südü nə qədər önəmlidirsə, ana üçün də uşağın süd əmməsi bir o qədər vacibdir. Uşağı süddən erkən dövlərdə kəsmək süd vəzi xərçənginə, mastitlərə və mastopatiyalara tutulma riskini artırır, bir növ bunlara zəmin hazırlamış olursunuz.

 

Aztibb.az xəbər verir ki, bu fikirləri həkim-fitoterapevt Fizuli Hüseynov bildirib.

 

"Analar çalışmalıdırlar ki, uşağa tez-tez süd versinlər. Yaxşı istirahət etsinlər ki, normal süd yığıla bilsin", - deyə vurğulayan həkim ana südünü artırmaq üçün reseptlər təqdim edib: 

 

- Güldəfnə toxumu tozu -100 qram;

 

- Razyana toxumu tozu - 100 qram;

 

- Gicitkən toxumu tozu - 100 qram;

 

- Qarazirə (çörəkotu) toxumu tozu - 100 qram.

 

Bitkiləri toz formasında bir-birinə qarışdırın, gündə 3 dəfə, yeməkdən yarım saat əvvəl, bir çay qaşığı ağıza atıb üzərindən bir stəkan su için.

 

Bu qarışımı başqa formada da istifadə edə bilərsiniz. Belə ki, qarışımdan gündə 3 dəfə, yeməkdən yarım saat əvvəl, bir çay qaşığı götürüb bir stəkan qaynar suya qarışdırıb ilıq olanda süzüb, 1 çay qaşığı bal və ya doşab qarışdıraraq için.

 

"Qarışım süd əmələ gətirməsini artırmaqla yanaşı, ananın immun sistemini də gücləndirir. Halsızlığı aradan qaldırır, saç tökülməsinin qarşısını alır", - deyə F.Hüseynov əlavə edib.