O, bildirib ki, iyun ayının son günlərində ölkəmizdə anomal istilər hökm sürəcək. Yayın gəlməsi özünü temperaturda da göstərməyə başlayacaq. Kölgədə 44 dərəcə istiliyin olması insanların kölgəli yerlərdə də günvurmadan qaça bilməyəcəklərini göstərir. Həkimlər vətəndaşlara səhər saat 11.00-dan günorta saat 15.00-a qədər günün altına çıxmağı tövsiyə etmir:

 

"Əgər sizin işiniz xüsusi geyim forması tələb edirsə və bu forma ilə günəşin altında işləməlisinizsə, həmin müddəti azaltmalı, fasilələri çoxaltmalısınız.  Mümkün qədər rahat forma geyinmək və çoxlu maye qəbul etmək tövsiyə olunur. 

 

O, günvurmanın əlamətlərindən söz açaraq qeyd edib ki, bu, özünü yüngül formada baş gicəllənməsi, baş ağrıları, çox tərləmə, ürəkbulanma, mədə-bağırsaqda narahatlıqlarla göstərir. Günvurma zamanı müəyyən nahiyələrə buz qoymaqla bədən temperaturunu aşağı salmaq, çoxlu maye qəbul etmək lazımdır".

 

"Şəkərli diabet, qan təzyiqi, ürək, qan-damar problemləri olanlar üçün günvurma daha təhlükəli ola bilər. Bu səbəbdən günorta saatlarında qapalı və sərin məkanlarda olmaq lazımdır", - deyə R.Nəbiyev əlavə edib.