İranın Mədəniyyət və İslam İrşad Nazirliyinin təşkilatçılığı ilə “Koronavirusa qalib gələk” mövzusunda keçirilən beynəlxalq karikatura müsabiqəsinə 88 ölkədən 4 min 200 əsər daxil olub.

Aztibb.az xəbər verir ki, bu barədə tədbirin təşkilat komitəsinin üzvü Məsud Təbatəbayi məlumat verib. Onun sözlərinə görə, 2 ay əvvəl müsabiqənin saytı yaradılıb və elan verilib. Bundan sonra sayta əsərlər daxil olmağa başlayıb. Münsiflər heyəti əsərlər arasında seçim edib.

Müsabiqənin təşkilində əsas məqsəd koronavirus pandemiyasının yaratdığı bəşəri problemləri və bu epidemiyaya qarşı aparılan mübarizəni ehtiva edən əsərlər ərsəyə gətirmək, insanlarda ruh yüksəkliyi yaratmaqdan ibarət idi. Sayta Türkiyə, İndoneziya, Çin, Serbiya, Pakistan, Braziliya, Hindistan, Rusiya və digər ölkələrdən karikatura əsərləri daxil olub.

Müsabiqəni internet üzərindən 1 milyon 340 min adam izləyib və rəylərini bildiriblər. Həmin rəylər əsasında qaliblər müəyyənləçdiriləcək.