Yayda uşaqların çox qaçıb hərəkət etməsi və yerə yıxılması nəticəsində yaranan göy ləkələri bəzən qan xəstəliyi, qanda trombositlərin azalması kimi dəyərləndirirlər.

Aztibb.az xəbər verir ki, tanınmış həkim-pediatr Günay Rəsulova sosial şəbəkədə bu barədə məlumat verib.

Həkimin sözlərinə görə, bədəndə olan göy ləkələr əlaqəsiz nahiyələrdə, yıxılması zamanı dəyməyəcək yerlərdədirsə və ya kiçik toxunuşlarla həddindən çox göyərmələr yaranırsa, bu əlamətlərin qan xəstəliyi ilə əlaqəsi ola bilər. Həmçinin uşaqda kiçik travmadan uzun müddət davam edən qanaxma da varsa, üstəlik uşaq solğun, halsız və iştahsızdırsa, diqqətli olmaq lazımdır.

Lakin aktiv hərəkət edib qaçan uşaqlarda yalnız dizdən aşağıda olan göyərmələr təhlükəsizdir və zamanla keçib gedir.