Aztibb.az xəbər verir ki, bu barədə ATU-nun Tədris Terapevtik Klinikasının dosenti, həkim-terapevt Azadə Rəhimova məlumat verib.

 

O, bildirib ki, serotonin, dopamin, oksitosin və endorfin məhz bu hormonlardır. Serotonin insanın şən, pozitiv hiss etməsini təmin edir. Günəş şüaları, eləcə də qidalardan tünd şokolad, süd, pendir və s. serotoninin miqdarını artırır. Dopamin azaldıqda, insanda ruh düşkünlüyü, sıxıntı hissi, unutqanlıq kimi hallar baş verir:

 

"Oksitosin hormonu isə sədaqət hissi, şəfqət, məhəbbət hissini təmin edən əsas hormondur. Ana körpəsinə süd verəndə məhz bu hormonun miqdarı artır.

 

Endorfin hormonu çox olanda insan özünü pozitiv, güclü, optimist hiss edir. Bu hormonun həm də ağrıkəsici, iltihabəleyhinə təsiri var. Açıq havada gəzinti, gözəl musiqi dinləmək, faydalı qidalanmaq, idmanla məşğul olmaq, günəş şüaları bu hormonların miqdarını artırır".