Hazırda dünyada xərçəng xəstəliyi ilə mübarizəyə böyük səylər və vəsaitlər sərf olunur. Təəssüf ki, bilinən bütün dərmanlar əks təsirlərə səbəb olur. Lakin son zamanlarda italyan və norveçli elm adamları bir bitkinin xərçəngə qarşı təsirli olduğunu kəşf ediblər. Üstəlik bu, heç bir “yan təsir” yaratmır. 

Aztibb.az tibbi mənbələrə istinadla xəbər verir ki, bu nəticəyə iki qrup - Kalabria və Surfold Universitet alimləri tərəfindən gəlinib. Araşdırmaların nəticələri "Bioenergetics" nəşrində çap olunub. Berqamotun xərçəng əleyhinə xüsusiyyətlərinin kəşfi həqiqətən gözlənilmədən olub, çünki alimlər əvvəlcə bu bitkinin xolesterolla mübarizədə faydalı xüsusiyyətlərini araşdırıblar və xərçəngin qarşısının alınması tədqiqat mövzusu olmayıb.

Alimlər sitrus ekstraktlarının damar obstruksiyasının qarşısının alınmasında faydalarını araşdırıblar. Elmi tədqiqatlar zamanı sitrus ekstraktlarının stanin (yataq) xüsusiyyətlərə malik olduğu sübut edilib. Məlum olub ki, sintetik staninlər xolesterolu aşağı salmaqla yanaşı, yan təsirləri ilə bədənə zərər verir. Ancaq sitrus ekstraktlarında olan staninlər heç bir “yan təsir” vermir.

Xüsusilə berqamot ekstraktı xolesterolla mübarizədə əla vasitə ola bilər. Bununla birlikdə, bu təcrübələr zamanı alimlər qəfildən berqamotun başqa bir əvəzsiz xüsusiyyətini kəşf ediblər: xərçəng kök hüceyrələrinin bölünməsinə maneə törətməyə və onları öldürməyə qadirdir. Berqamotun bu xüsusiyyəti bioloqların müşahidələri ilə sənədləşdirilmişdir. Təsdiqlənərsə, onkoloji xarakterli bir çox xəstəliklə mübarizədə inqilab ola bilər. Ən azından berqamot ekstraktı xərçəng qarşısını alan güclü bir maddəyə çevrilə bilər.