Hərəkət etməyə vadar edən, daimi daxili oyanma, patoloji bir yerdə qərar tuta bilməmə akatiziya xəstəliyi ilə bağlıdır. Onun subyektiv əlamətləri hərəkətə qarşısı alınmaz istək, diskomfort hissi, hərəkət etmədikdə daxili gərginliyin artmasıdır.
Aztibb.az bu barədə N.Tusi adına Klinikanın məlumatına istinadla xəbər verir.
Xəstəliyin obyektiv simptomatikası tələskənlik, bir yerdə qərar tuta bilməmə, yerində hərəkət etmək, addımlamaq, məqsədsiz yerdəyişmələr şəklində təzahür edir. Diaqnostika klinik aparılır, instrumental müayinə beynin üzvi zədələnmələrini inkar etmək məqsədilə tətbiq olunur.
Müalicə vəziyyətin etiologiyasından asılıdır. Pasientə maqnezium, xolinolitiklər, adrenoblokatorlar, 5-НТ2-reseptorların blokatorları, QAYT potensiyalaşdırıcı preparatlar təyin olunur.
