Bu bitkidən hazırlanan qarışım papillomaları təmizləyir

13.06.2021 13:54

Dəmrov bitkisi xaşxaşkimilər fəsiləsinə aiddir. Onu sıxdıqda narıncı rəngdə şirə axır. Dəmrov otunun şirəsindən xalların və dəridə əmələ gələn kiçik ölçülü papillomaların müalicəsində istifadə edilir. Əsasən də kök hissəsinin şirəsinin tərkibində xalların əriməsi üçün lazım olan maddə var. Dəmrov otunun çiçək və yarpaqlarında 1,87% alkoholid olduğu halda, kökünün şirəsində 4,4% alkoholidlər var. Bu səbəbdən də kökün şirəsinin papillomalara və xallara təsiri daha güclü olur.

İbn Sinanın qədim əlyazmalarında dəmrov otunun faydaları barədə yazılara rast gəlinir. Bu əlyazmalarda dəmrov otu ilə balın 1:1 nisbətində qarışımının zəif odda qaynadılmasından əmələ gələn maddənin göz xəstəliklərinə çox faydası olduğu barədə yazılara rast gəlinir.

Aztibb.az tibbi mənbələrə istinadla xəbər verir ki, dəmrov otunun qurusunu toz halına gətirdikdən sonra ona vazelin və lanolin əlavə edilir. Bu qarışım "plantazan" adlanır və qarışımdan dəri vərəmi, psoriaz, dəri xərçəngi və s. zamanı istifadə edilir.

Qarışım üçün lazım olanlar:

Dəmrov otu – 10 qr

Vazelin – 10 qr

Lanolin – 10 qr

Karbol turşusu – 10 damcı

Dəmrov otu şiş əleyhinə təsirə də malikdir. Həmçinin onun infarktdan sonra əmələ gələn çapıqları sağaltmaq qabiliyyəti var. Bu məqsədlə 1 xörək qaşığı dəmrov otu termosda 20 dəqiqə dəmlənir və gündə 3 dəfə yeməkdən əvvəl 2 xörək qaşığı qəbul edilir.

Dəridəki papillomaları təmizləmək üçün dəmrov otu, gicitkən və gülümbahar çiçəyi xırdalanır və qarışdırılır. Bir xörək qaşığı qarışım termosda 1 stəkan qaynar suda dəmlənir. Səhərlər acqarına yarım stəkan içilir.

Dəmrov otunun təzə sıxılmış şirəsi ilə dəridə olan kandilomaları, papillomaları, polipləri, mazolları, parodontozu təmizləmək mümkündür. Dəmrov otunun dəmləməsi qaraciyər və öd kisəsi xəstəlikləri zamanı çox faydalıdır.

Düz bağırsağın polipləri zamanı dəmrovotu ilə imalə eləmək poliplərin yox olmasına səbəb olur. Bunun üçün 6-7 damcı dəmrov otu şirəsinə 60 qr su əlavə edilir və imalə tətbiq olunur.