Azərbaycanda uşaqlar arasında yeni yoluxucu xəstəlik yayılıb. 

Aztibb.az-ın məlumatına görə, virusun əsas simptomları qızdırma və bəlğəmli öskürəkdən ibarətdir.

Mövzu ilə bağlı açıqlama verən pediatr Məhsəti Əfəndizadə bunu təsdiqləyib. O, bildirib ki, hazırda yayılan infeksiya ilə bağlı müraciətlərin sayı çoxdur:

“Sözügedən virus yoluxucudur və daha çox 2-12 yaş arası uşaqlarda qeydə alınır. Sağalma müddəti isə dəyişkəndir. Bəzi uşaqlar 2-3 günə, bəziləri isə daha uzun müddətə sağala bilirlər.

Valideynlərə məsləhətim budur ki, qızdırma ancaq 38-i keçərsə, hərarət salıcı dərmanlardan istifadə etsinlər. Bundan başqa, əgər uşağın vəziyyətində stabilləşmə olmazsa, həkimə mütləq müraciət edilməlidir”.