ABŞ-ın Qida və Dərman İdarəsi (FDA) alzheimer xəstəliyinin müalicəsində istifadə üçün 2003-cü ildən bəri hazırlanan dərmanı təsdiqləyib. Buna qədər alimlər mövzu ilə əlaqədar bir açıqlamada dərmanın təsirinə dair kifayət qədər dəlilin olmadığını söyləmişdilər.
Aztibb.az xəbər verir ki, FDA-nın açıqlamasına görə Massaçusetsdə yerləşən Biogen biotexnologiya şirkəti tərəfindən təkmilləşdirilən “Adukanumab” adlı dərman xəstəliyin erkən mərhələlərdə istifadəsi üçün təsdiqlənib.
Sözügedən dərman Alzheimerin erkən mərhələlərdə inkişafına mane olur. Mütəxəssislər dərmanın məqsədinin simptomları aradan qaldırmaqdan daha çox xəstəliyin inkişafını səngitmək olduğunu vurğulayıblar.
Beləliklə, FDA 2003-cü ildən bəri ilk dəfə bir alzheimer dərmanının istifadəsini uyğun bilib. Xəbər elmi ictimaiyyətdə müzakirələrə səbəb olub.
Hələ ötən il dərmanın təsdiqi üçün şirkətin müraciətini araşdıran elm adamları hesabatlarında dərmanın müalicədə təsirli ola biləcəyinə dair kifayət qədər dəlilin olmamasını bildirmişdilər.
