Türkiyədə yeni növ koronavirus infeksiyası əleyhinə eyni anda 13 vaksin hazırlanır.

Aztibb.az-ın “TASS”a istinadən verdiyi məlumata görə, bu barədə ölkənin Səhiyyə naziri Fəxrəddin Qoca bildirib.

“Türkiyədə 13 vaksinin hazırlanması istiqamətində işlər davam etdirilir. Üç halda heyvanlar üzərində sınaqlar başa çatıb”, - deyə F.Qoca mətbuat konfransında vurğulayıb.

Bununla yanaşı, avqustun əvvəlində Türkiyə Prezidenti Rəcəb Tayyib Ərdoğan bildirmişdi ki, vaksinlərdən birinin istehsalçıları onun insanlar üzərində kliniki sınaqdan keçirilməsi üçün icazə alıblar.