Kimyəvi terapiya müalicələrində istifadə edilən "Topotecan" adlı dərmanın koronavirusun müalicəsində effektiv olduğu müəyyən olunub.
Aztibb.az Mediamagazin.com.tr-yə istinadən xəbər verir ki, bu barədə Sinqapur Milli Universiteti və ABŞ-ın New York şəhərindəki İkan Tibb məktəbi tərəfindən tədqiqat aparılıb.
Araşdırma nəticəsində məlum olub ki, xərçəng dərmanı COVID-19 müalicəsində faydalıdır və ölüm səviyyəsini azaldır.
Tədqiqatı aparan həkimlərdən biri Anand Jeyasekharan bildirib ki, xərçəngin müalicəsində istifadə edilən "Topotecan" dərmanı koronavirsun müalicəsində daha az dozada istifadə olunmalıdır.
"25 ildir xərçəng müalicəsində istifadə olunan "Topotecan"ın hər cür təsir və yan təsirləri məlumdur. Bundan əlavə, o, asanlıqla əldə edilə bilinir və ucuzdur".
A.Jeyasekharan bu araşdırmanın Sinqapur Səhiyyə Nazirliyinin Milli Tibbi Tədqiqatlar Şurası (NMRC) və Milli Tədqiqat Fondu (NRF) tərəfindən dəstəkləndiyini bildirib.
""Topotecan"ın effektivliyi ilə bağlı daha geniş formatda tədqiqat aparmaq üçün Hindistanın Vellore şəhərindəki Xristian Tibb Kolleci ilə əməkdaşlıq edirik", - deyə həkim qeyd edib.