Mütəxəssislərin fikrincə, immun sistemini maksimum dərəcədə artırmağın bir yolu da düzgün qidalanmaqdır. Həkimlər COVID-19 əleyhinə peyvənd olunan şəxslərə sonrakı iki gün ərzində müəyyən qidalardan uzaq durmağı məsləhət görüblər.

Daha çox protein qəbul etməli

Aztibb.az medikforum.ru saytına istinadla xəbər verir ki, mütəxəssislər peyvənddən sonrakı pəhrizə kifayət qədər zülalın daxil edilməsinin bədənin immun reaksiyasını artırmağa kömək edəcəyini söyləyib. Xəstəliklərin qarşısının alınması üzrə mütəxəssis, həkim Sandra El Haj vaksindən sonra protein istehlakının fiziki zəiflik hisslərini azaldacağını qeyd edib:

“Peyvənddən sonra bədəniniz çox enerji tükətməli olacaq. Pəhrizinizdə kifayət qədər protein olmazsa, əzələ kütləsi azalacaq. Nəticədə, özünüzü daha zəif hiss edəcəksiniz”.

Şirələr və ya detoksdan uzaq durmalı

Peyvənddən sonrakı günlər detoks üçün münasib vaxt kimi görünə bilər, lakin mütəxəssislər bundan çəkinməyi tövsiyə edirlər.

“Şirələrin tərkibində zülal və lif yoxdur. Bunlar isə immun sistemini qorumağa və gücləndirməyə kömək edən iki vacib qidadır”.

Balanslı pəhriz saxlamalı

Həkimlər bildirir ki, peyvənddən sonrakı pəhrizə gəldikdə, burada sehrli bir inqridiyent yoxdur. Əsas məsələ sağlam və balanslı qidalanmaqdır:

“Mümkün qədər çox bitki mənşəli maddələr, tam növ qidalar və təmiz yağlardan istifadə etməklə sağlam bir pəhriz saxlamaq lazımdır. Ultrapasterizə olunmuş qidalardan və süni dadlandırıcılardan çəkinin”.