Dövlət sanitariya-epidemioloji xidmətinin təşkili qaydası dəyişir  
07.04.2021 14:25

Azərbaycanda dövlət sanitariya-epidemioloji xidmətinin təşkili qaydası dəyişir.

 

Aztibb.az-ın məlumatına görə, bu, “Sanitariya-epidemioloji salamatlıq haqqında” qanuna təklif edilən dəyişiklikdə əksini tapıb.

 

Qüvvədə olan qanuna (33-cü maddə) əsasən, Azərbaycan Respublikası dövlət sanitariya-epidemioloji xidməti orqanlarının və idarələrinin vahid sisteminə aşağıdakılar daxildir:

 

Azərbaycan Respublikası Səhiyyə Nazirliyinin Sanitariya-Epidemioloji Nəzarəti Baş İdarəsi;

 

Respublika Gigiyena və Epidemiologiya Mərkəzi;

 

Naxçıvan Muxtar Respublikası, şəhər və rayon, habelə hava və su nəqliyyatı gigiyena və epidemiologiya mərkəzləri;

 

gigiyena və epidemiologiya profilli elmi müəssisə və təşkilatları;

 

gigiyena və epidemiologiya profilli respublika, şəhər və rayon ixtisaslaşdırılmış mərkəzləri;

 

taun əleyhinə idarələr;

 

digər sanitariya-profilaktika idarələri.

 

Layihəyə əsasən, bu müddəanın aşağıdakı kimi dəyişdirilməsi təklif olunur:

 

- Azərbaycan Respublikasının dövlət sanitariya nəzarəti orqanlarının və sanitariya epidemioloji xidmət müəssisələrinin fəaliyyəti tabeliyində olduqları müvafiq icra hakimiyyəti orqanının müəyyən etdiyi orqan (qurum) tərəfindən təmin edilir.

 

Qeyd edək ki, “Sanitariya-epidemioloji salamatlıq haqqında” qanuna dəyişiklik “Azərbaycan Respublikasında icbari tibbi sığortanın tətbiqinin təmin edilməsi ilə bağlı bir sıra tədbirlər haqqında” Azərbaycan Respublikası Prezidentinin 2018-ci il 20 dekabr tarixli 418 nömrəli Fərmanının icrasını təmin etmək məqsədilə hazırlanıb. Bu Fərmanın 4-cü hissəsinə əsasən “Tibbi Ərazi Bölmələrini İdarəetmə Birliyi” publik hüquqi şəxsin (TƏBİB) fəaliyyətinin təmin edilməsi ilə bağlı müvafiq normativ hüquqi aktların hazırlanması zərurəti yaranıb. Sözügedən Fərmanın 4-cü hissəsini (TƏBİB-in fəaliyyətinin təmin edilməsi ilə bağlı müvafiq normativ hüquqi aktların hazırlanması) rəhbər tutaraq, həmçinin Fərmanın 2-ci hissəsinə uyğun olaraq dövlət səhiyyə sisteminə daxil olan tibb müəssisələrinin Səhiyyə Nazirliyinin tabeliyindən TƏBİB-in tabeliyinə verilməsini və TƏBİB-in, tabeliyinə verilən dövlət səhiyyə sisteminə daxil olan tibb müəssisələrinin idarə edilməsini və bu sahədə nəzarəti həyata keçirməsini nəzərə alaraq TƏBİB-in səlahiyyətlərinin həyata keçirilməsini təmin etmək üçün müvafiq layihənin qəbul edilməsi təklif olunur. 

ÇOX OXUNANLAR
Akademik Cəmil Əliyev MDB və Avrasiya ölkələri onkoloqları və radioloqlarının XII qurultayında iştirak edib
Tibb Universitetinin əməkdaşları təltif olundu - SİYAHI
Sağalanların sayı yoluxanları ötdü
Koronavirusla bağlı bu şəxslərə 29.5 milyon manat müddətli əlavə və mükafat ödənilib
Mehriban Əliyeva SMA xəstəliyindən əziyyət çəkən Tunarla bağlı tapşırıq verdi
Bu gün vaksinasiyadan keçənlərin sayı açıqlandı
Saç tökülməsinin səbəbləri və ÇARƏSİ/ Müalicəvi resept
Vaksinasiya ilə bağlı saxta sənəd verən 12 həkim işdən çıxarılıb
Mərkəzi Klinikanın neonatoloji reanimasiyası daha bir uğura imza atıb - Uşaq cərrahı Fuad Hüseynov     
Tanınmış travmatoloq-ortoped COVID-19-dan vəfat edib
Türkiyədə hazırlanan COVID-19-a qarşı peyvəndlərdən üçünün insanlar üzərində tətbiqinə başlanılıb
Yumurtanın tərkibi və faydalı xüsusiyyətləri - MƏQALƏ
Ürək-damar xəstəlikləri səbəbindən ölüm halları niyə artır? - Həkim-terapevt AÇIQLADI
17 aprel - Dünya Hemofiliya Gününə həsr olunmuş beynəlxalq KONFRANS keçiriləcək