Telekommunikasiya, hava, kosmik, müdafiə sənayesi sahələrində fəaliyyət göstərən Türk texnologiya şirkəti yeni tip koronavirusdan qorunmaq üçün yeni maska istehsal edib.

Aztibb.az Medimagazin.com.tr-yə  istinadən xəbər verir ki, bu barədə şirkət rəhbəri Bülənt İşıq məlumat verib.

O, bildirib ki, maska USB kabeli ilə 1 saat enerji ilə doldurulduqdan sonra 6 saat istifadə edilə bilər:

"Maska istifadə edildikdə hava daxili səthdə hava axınını təmin edən 4 qatlı filtrdən keçir. Maska taxan şəxs təmiz hava ilə nəfəs alır, tək tərəfli klapanlar vasitəsilə çirkli hava atılır.  Üz ilə təmasda olan silikon antibakterialdır və allergik deyil. Bu silikonlar asanlıqla dəyişdirilə və dezinfeksiya edilə bilir. Elektron maska yalnız epidemiyaya görə deyil, həmçinin xüsusən fabriklərdə, mədənlərdə və səhiyyə sahəsində işləyənlər sağlamlıq və təhlükəsizlik üçün etibarlı bir şəkildə istifadə edilə bilər".

İşıq əlavə edib ki, elektron maskaların istifadəsi ağciyərin yükünü azaldır: 

"Taxılan bir maska 40%, ikiqat maska 80%, elektron maska isə 99,95% virusdan qoruyur. Bu elektron maskadakı 4 qatlı dəyişdirilə bilən filtren ortalama 15 gün istifadə edilə bilər. İlk dəfə maska əldə edildikdə 2 aylıq ehtiyacı təmin etmək üçün istifadəçiyə əlavə 4 filtr təqdim edilir.