Fransanın “BioSerenity” şirkəti koronavirusu öldürən qoruyucu maska yaradıb.
Aztibb.az bu barədə TASS-a istinadən xəbər verir.
Firmanın baş direktoru Mark Fruenin sözlərinə görə, bu maska "virusları bloklamaq" qabiliyyətinə malikdir. Fərdi müdafiə vasitəsi dörd qatdan ibarətdir. Onlardan biri bakterisid və antivirus xüsusiyyətlərinə malikdir. Qoruyucu maska birdəfəlik istifadə üçün nəzərdə tutulub. Onu ən çox dörd saat taxmaq tövsiyə edilir.
"Maska virusları məhv etməyə və özünü dezinfeksiya etməyə qadirdir. Beləliklə, ətraf mühitə düşmə zamanı daha az təhlükəlidir", - şirkət nümayəndəsi bildirib.
Fərdi müdafiə vasitəsi Lill Universiteti Xəstəxanasının Milli Sağlamlıq və Tibbi Tədqiqatlar İnstitutu və Milli Elmi Tədqiqatlar Mərkəzinin mütəxəssisləri ilə əməkdaşlıq şəraitində hazırlanıb. Onun qiyməti 1,49 avrodur.
