Türkiyəli alimlər qabaqcıl optik texnologiyadan istifadə edərək cəmi 10 saniyədə koronavirus infeksiyasını müəyyən edən cihaz hazırlayıblar.  

Bu barədə cihazın hazırlandığı Bilkent Universitetinin rəsmi veb-saytında məlumat verilib.

“Bu cihazla ağız suyundan götürülən nümunədə ən geci 10 saniyə ərzində COVID-19 infeksiyasına səbəb olan virusu aşkar etmək olar”, - deyə açıqlamada qeyd olunub. Cihaza "Diagnovir" adı verilib.

Aparılan pre-klinik tədqiqatlar zamanı bu qurğu virusların aşkarlanmasında 99% effektivlik göstərib.

“Diagnovir”in kütləvi istehsalına başlayacağı planlaşdırılır.