Bakıda qadın doğuş zamanı əkiz körpələrindən birinin həkim tərəfindən oğurlandığını iddia edir.

Aztibb.az xəbər verir ki, Namazova Aytən Oqtay qızı bildirib ki, iyulun 31-də Sabunçu rayonu 3 saylı xəstəxanaya doğuş üçün müraciət edib:

“Mən hamiləlik dövründə də UZİ-dən keçmişəm və 6 həftəlik olanda əkiz hamiləlik olduğunu demişdilər. UZİ həkimim elə həmin xəstəxanada Şərqiyyə İbrahimova olub. Doğuşdan öncə uşağın ürək döyüntülərini yoxlamaq üçün aparata qoşdular və əkiz uşaqların olduğunu dedilər. Sancım güclənəndə məni doğuşa götürdülər".

Doğuşdan öncə işçilər bir neçə dəfə məndən evdə uşağım olub-olmadığını soruşurdular. Mən də oğlum olduğunu dedim, bu da məndə şübhə yaratdı. Doğuş zamanı mən uşağın olduğunu hiss etdim, amma mənə oksigen maskası taxdılar, özümdən getdim. Sonra ayılanda dedilər ki, bir qızın oldu. Mən əkiz uşaqlardan birinin satıldığından şübhələnirəm. Polisə də müraciət etmişəm, izahatım alınıb”.

Bakı şəhər Baş Polis İdarəsinin mətbuat katibi, polis mayoru Elşad Hacıyev bildirib ki, faktla bağlı toplanmış materiallar rayon prokurorluğuna göndəriləcək.