Koronavirus pandemiyası Azərbaycanla Pakistan arasındakı ticarət fəaliyyətində müəyyən ləngimələr yaradıb. Ancaq koronavirus pandemiyası bitdikdən sonra ikitərəfli ticarət sürətlənəcək. Azərbaycan COVID-19 bitdikdən dərhal sonra Pakistanla dəmir yolu əlaqələri və birbaşa uçuşların inkişafında maraqlıdır.
Bunu Azərbaycanın Pakistandakı səfiri Əli Əlizadə bildirib.
O, Pakistanın dərman istehsalçısı şirkətlərinin Azərbaycanda böyük potensiala sahib olduqlarını və ölkəsində istehsal müəssisələri açmalı olduqlarını bildirib: “Azərbaycan Bakı limanının yanında azad iqtisadi zona qurur və Pakistan investorları burada birgə müəssisələri yarada və investisiyalar yatıra bilərlər”.
Səfir bildirib ki, mart ayında iki ölkə arasında onlayn biznes-forumunun keçirilməsi planlaşdırılıb: “Pakistanın iş adamları azərbaycanlı həmkarları ilə iş birliyini araşdırması üçün bu forumda iştirak etməlidir”.
