“YAŞAT” Fondunun əməkdaşları 2706 şəhidin 11 min 192 ailə üzvü və 81 ağır yaralı ilə görüşlər keçirib, onların birinci dərəcəli ehtiyaclarını müəyyənləşdiriblər. Cari ana öhdəliyə götürülmüş ailələrin sayı 1483-dür.

Aztibb.az xəbər verir ki, bunu Azərbaycan Respublikasının Prezidenti yanında Vətəndaşlara Xidmət və Sosial İnnovasiyalar üzrə Dövlət Agentliyinin sədri Ülvi Mehdiyev yanvarın 8-də keçirilən brifinqdə deyib.

Ü.Mehdiyev bildirib ki, ehtiyac istiqaməti üzrə bölgüyə gəlincə, bunun 37.70 faizi məişət şəraitinin yaxşılaşdırılması, 37.40 faizi tibbi xərclərin ödənilməsi, 16.55 faizi borc öhdəliklərinin qarşılanması, 1.33 faizi təhsil xərclərinin ödənilməsi, 7,02 faizi digər ehtiyaclara aiddir.