Hazırda Azərbaycanda tibb heyəti ilə bağlı kadr çatışmazlığı yoxdur. Xaricdən həkimlərin gətirilməsi dövlətin təşəbbüsü ilə təcrübələrin bölüşdürülməsi məqsədi daşıyır.

Aztibb.az xəbər verir ki, bu sözləri TƏBİB-in Tibbi Xidmətlər Departamentinin rəhbəri Firəngiz Əliyeva virtual mətbuat konfransında deyib.

Departament rəhbərinin sözlərinə görə, bütün dünyada belə praktika mövcuddur:

“Koronavirus xəstəliyi yeni olduğundan müxtəlif ölkələrdə xəstəliyə fərqli müalicə yanaşmaları mövcuddur. Ölkəmizə xaricdən gələn həkimlərlə bununla bağlı təcrübə mübadiləsi aparılır. Virusun özünü necə aparacağını demək mümkün deyil. Ona görə də hazırlıqlı olmağa çalışırıq. Lazım olarsa, daha çox həkim cəlb edəcəyik”.