Azərbaycanda koronavirus pandemiyasına qarşı mübarizə tədbirləri çərçivəsində tətbiq edilən xüsusi karantin rejiminə uyğun olaraq fəaliyyətinə qadağa qoyulan daha bir sahənin açılmasına dair müzakirələr aparılır.

Aztibb.az xəbər verir ki, bunu Tibbi Ərazi Bölmələrini İdarəetmə Birliyinin (TƏBİB) şöbə müdiri Yaqut Qarayeva mətbuat konfransında bildirib. O, deyib ki, çimərliklərin açılması və ondan sonra irəli gələ biləcək tədbirlər Operativ Qərargahda müzakirə olunur:

"Çimərliklərdə hansı qaydalara əməl olunması, istirahət edənlərin məsafə gözləməsi məsələləri müzakirə olunur. Qərar qəbul olunan kimi Operativ Qərargah tərəfindən ictimaiyyətə bu barədə ətraflı məlumat veriləcək. Hazırda bu barədə dəqiq qərar yoxdur".