“COVID-19 keçirib sağalmış, lakin iy və dad hissiyyatı uzun müddət bərpa olunmayan pasiyentlərə insult dərmanlarının yazılması düzgün deyil”.

İy və dadbilmənin itməsinə əsasən gənc qadınlarda rast gəlinir.

Bu barədə "Facebook" sosial şəbəkəsində həkim-reanimatoloq Şahin Məmmədov COVID-19 xəstələrində iybilmə və dadbilmənin itməsi ilə əlaqədar paylaşımında məlumat verib.

Həkim bildirib ki, iy və dadbilmənin itməsinə əsasən, gənc qızlarda, qadınlarda rast gəlinir, adətən 2 həftəyə öz-özünə düzəlir. Bu nevroloji pozulma geridönəndir, bəzilərində bərpa prosesi çox vaxt ala bilər.

Bərpanı sürətləndirmək üçün aşağıda qeyd olunanlar fayda verə bilər:

- intranazal vitamin A neyrogenezi stimulyasiya edir;

- limon suyunu damcı kimi buruna tökmək mümkündür;

- daxilə Omega-3 qəbul etmək olar ki bu da neyroregenerasiyanı sürətləndirir, iltihab əleyhinə effektlidir.

Qoxu siniri bədənimizdə yeganə sinirdir ki bölünə bilir, regenerasiyası sürətlidir. 

Həkim qeyd olunan dərmanların effektivliyinin müəyyən tədqiqatlarda təsdiqləndiyini, lakin hələ də bu mövzuda geniş araşdırmalara ehtiyac olduğunu vurğulayıb.

“Bundan əlavə, iybilmə və dadbilmənin bərpası istiqamətində 3 müxtəlif ətri, hərəsini 20 saniyə olmaqla gündə 2 dəfə iyləməklə məşq etmək tövsiyə edilir” - deyə, həkim əlavə edib.