Bu gün hamı virusa yoluxmamaq üçün yollar axtarır. Hər kəs orqanizmi-immuniteti gücləndirməyə, tədbirlər görməyə çalışır. Bu yöndə mütəxəssislərin fikirləri daha önəmlidir. Ümumi cərrah, sağlam qidalanma üzrə mütəxəssis, klinik psixoloq Vəfa Paşazadə bununla bağlı tövsiyələrini açıqlayıb:

Virus ilə yoluxma riskini azaltmaq üçün immun sistemimizi qorumağımız vacibdir. Yaxşı, bu müdafiəni yüksək səviyyədə saxlamaq üçün nə etməliyik? ⁣

Kifayət qədər yuxu: keyfiyyətsiz yuxu bütün infeksion xəstəliklərin riskini artırır. 5 saatdan az yuxu müddəti viral infeksiyalar riskini artırır. Yetərli yuxu isə melatonin səviyyəsini artıraraq virusun təsirini azaldır. ⁣

Stress: stress immunitet sistemini əhəmiyyətli dərəcədə zəiflədir və iltihaba səbəb olan interlockin-6 kimi sitokinlərin artmasına səbəb olur. ⁣⁣

Sink: koronavirusun hüceyrəyə girməsinin qarşısını alaraq, xəstəliyə səbəb olan təsiri azaldır. Gündəlik 15-30 mq doza qəbul etmək yuxarı tənəffüs yollarının qorunmasında təsirli olur.

Meyvə və Tərəvəz: tərkibindəki flavonoidlər sayəsində iltihabı azaltmağa kömək edir.⁣

C vitamini: kliniki tədqiqatlarda sətəlcəmin tezliyini, müddətini və şiddətini azaltdığı göstərilmişdir. Gündəlik 1000-2000 mq aralığında tövsiyə olunur.

Sambucus Nigra: (Qara kəndəlaş-red. (Türkiyə türkcəsində kara mürver)) Koronavirusun orqanizmdə çoxalmasının qarşısını alır. Erkən mərhələdə qəbul edildikdə, profilaktik təsiri daha çoxdur.

⁣D vitamini: gündəlik 800-1000 IU dozada yuxarı tənəffüs yolu infeksiyalarından qoruduğu göstərilmişdir. D vitamini qanda səviyyəsini 40-60 ng/ml-dən yüksək tutmaq vacibdir.