“Əsas məsələ insanların sağlamlığı, onların həyatıdır”
03.12.2020 10:19
Koronavirus pandemiyası ilə bağlı mübarizə tədbirləri dünyanın hər yerində davam etdirilməkdədir. Amma bu virusun yayılması nəinki səngimək bilmir, əksinə, artmaqda davam edir. Azərbaycanda həyata keçirilən ardıcıl və düşünülmüş tədbirlər pandemiyanın əvvəllərində onun qarşısını qismən almışdı. Payız-qış mövsümünün gəlməsi ilə infeksiya artmağa başladı və artıq bunun qarşısını almaq xeyli çətinləşib. Bəs bunun səbəbi nədir və biz özümüzü, doğmalarımızı qorumaq üçün daha nələri etməliyik?
Aztibb.az bu məsələ ilə bağlı Mərkəzi Gömrük Hospitalının Xəstə xidmətləri şöbəsinin rəisi Gülşən İmanovanın məqaləsini təqdim edir:
"Hazırda koronavirus əleyhinə vaksin tapılmadığı üçün bütün dünyada yoluxmaların sayında sürətli artım müşahidə olunmaqdadır. Son günlərdə Azərbaycanda da COVID-19 infeksiyasının sürətlə yayılması hər birimizi narahat edir. Belə ki, yoluxmaların sayı 4200-ü, ölənlərin sayı isə 40-ı keçib. Bunun bir çox səbəbləri vardır. Hər şeydən əvvəl, insanlar pandemiyanın geniş yayılmasının qarşısını almaq üçün həm açıq, həm də qapalı məkanlarda maskalardan istifadə etməlidir. Amma gəlin baxaq, bu mühüm qaydaya necə riayət edilir?
Dəfələrlə deyildiyinə baxmayaraq, bəzi insanlar maskadan düzgün istifadə etmir: maskanı çənənin üstündə gəzdirir, vaxtı-vaxtında dəyişmir, günlərlə eyni maskadan istifadə edirlər, çirklənmiş maskaları hara gəldi atırlar və bəzi hallarda qarşısındakı insan ilə danışdıqda maskanı çıxardırlar. Bununla da virusun yayılmasına rəvac verirlər. İnfeksiyanın yayılma səbəblərindən biri insanlar arasında virusa inanmamaq, virusun onlara dəyməyəcəyinə arxayınlaşma yaranmasıdır.
Onlar karantin rejiminin, bəzi məhdudiyyət tədbirlərinin yumşaldılmasından sonra virusla mübarizədən qorunmaq istəmirlər. Çox təəssüf ki, bir sıra obyektlərdə insanlar maskadan yalnız cəriməyə düşməmək üçün istifadə edirlər. Payız aylarında yenidən artmağa başlayan koronavirus hadisələrinin sayı yeni antirekord rəqəmlərə çatıb. Buna səbəb respirator xəstəliklərin məhz bu aylarda artmasıdır. Risk kateqoriyasına daxil olan insanlar: yaşlılar, yanaşı xəstəlikləri olan insanlar özlərini daha çox qorumalıdır.
Zərurət olmadıqda evdən çıxmamalıdırlar. Son vaxtlar tez-tez eşitdiyimiz xəbərlərdən biri də odur ki, koronavirus xəstələri evdə müalicə alarkən təcrid olunmaqdansa, həyətə, küçəyə, marketə çıxır və ətrafındakı insanları yoluxdururlar. Hətta, işə gedən belə xəstələr haqqında da faktlar vardır. Bu yolverilməzdir! Düzdür, onlar inzibati qaydada cəzalandırılır, lakin başqalarına verdikləri zərər ölçüyə gəlmir, heç bir çərçivəyə sığmır...
Xəstəliyin yayılma səbəblərindən biri də ara məsafənin saxlanmamasıdır. İctimai nəqliyyatdakı vəziyyət də göz qabağındadır. Maskalardan düzgün istifadə olunmur, ara məsafə gözlənilmir, tutacaqlardan istifadədən sonra əllər spirtlə təmizlənmir. Əhali arasında maarifləndirmə işləri aparılsa da, yığıncaqlar təşkil edilir, təbii ki, belə məclislərdə insanlar bir-biri ilə yaxın təmasda, ünsiyyətdə olur və nə maska, nə əl yumaq, nə də ara məsafə yada düşmür. Mütəxəssislər hələ pandemiyanın uzun müddət davam edəcəyini vurğulayırlar. Bu məqamda insanlar tələb edilən qaydalara riayət etməlidirlər. Və unutmamalıdırlar ki, əsas məsələ insanların sağlamlığıdır, onların həyatıdır".
Bu bölməyə aid digər xəbərlər
Alimlər koronavirusun dinamikasının yeni modelini hazırlayıblar
30.03.2023 | 15:15
Ölümcül göbələk infeksiyası halları kəskin artır
21.03.2023 | 10:37
"Pfizer" peyvəndi kişilərdə sonsuzluğa səbəb ola bilər - AÇIQLAMA
19.03.2023 | 10:52
Tədqiqat: COVID xəstələrinin 59%-də orqan zədələnməsi görülüb
17.02.2023 | 09:41
İnfluenza 10 günə qədər yoluxucudur. Xəstəlik irəliləyərsə...
28.01.2023 | 17:08
Həkim-pulmonoloq: "Kraken" nə qədər təhlükəlidir?
23.01.2023 | 11:51
Son 20 ildə uşaqlar 46% daha çox antibiotik qəbul edib - Araşdırma
11.01.2023 | 21:46
Koronavirusun “Omikron” və ya digər ştamları necə müəyyən olunur? - Açıqlama
17.02.2022 | 14:43
Uşaqda COVID-19 testi mənfi olub, lakin bu əlamətlər varsa... - Valideynlərin DİQQƏTİNƏ!
03.01.2022 | 12:08
Yeni ştamın əsas əlamətləri - Hədsiz dərəcədə süstlük, halsızlıq və şiddətli baş ağrıları
03.12.2021 | 16:38
ÇOX OXUNANLAR
Diyetoloq arıqlamaq üçün daha tez-tez gülməyi və əsnəməyi məsləhət görüb
29.04.2024 | 17:25
Suyun düzgün içilməsi ilə bağlı keçmişin məsləhətləri
29.04.2024 | 09:15
Sümük bulyonu arıqlamağa kömək edir
29.04.2024 | 08:26
TƏBİB Bakı Baş Səhiyyə Mərkəzinin tabeliyində olan tibb müəssisələri üzrə vakant yerlər elan edir
25.04.2024 | 10:32
Bakı Baş Səhiyyə Mərkəzinin tabeliyindəki tibb müəssisələrinə işçilər axtarılır
26.04.2024 | 10:59
Nahidə Mahmudova Dövlət Gömrük Komitəsi Tibbi Xidmət İdarəsinin Mərkəzi Hospitalının rəis müavini təyin olunub
24.04.2024 | 11:11
Dəmir çatışmazlığı ilə bağlı yaranan anemiya xəstəliyinin təbii yollarla müalicəsi
25.04.2024 | 09:51
Aynurə Əliyeva - Suraxanı Tibb Mərkəzinin psixoloqu
28.04.2024 | 17:01
Bundan sonra işə qəbul və sürücülük vəsiqəsi əldə etmək üçün tibbi arayışlar elektron olacaq
26.04.2024 | 11:59
Səhiyyə Nazirliyi akademik Zərifə Əliyevanın 101 illiyi münasibətilə fleşmob təşkil edib
27.04.2024 | 14:38
ATU-da Ulu Öndərə həsr olunan konfrans keçirilib
24.04.2024 | 12:02
8 yaşlı uşaq üzərində icbari tibbi sığorta ilə qaraciyər transplantasiyası əməliyyatı həyata keçirilib
27.04.2024 | 10:35
Həyata keçirdiyi hər bir proseduru dəqiqliyi ilə yoxlayan həkim - Məlahət Əzizova
28.04.2024 | 10:09
Şəkərli diabet xəstəliyinin əlamətləri nələrdir?
29.04.2024 | 10:19
Agentlik və TƏBİB ilkin səhiyyə xidmətinin təkmilləşdirilməsi ilə bağlı yeni layihəyə start verib
24.04.2024 | 10:31