Dövlət Gömrük Komitəsinin Tibbi Xidmət İdarəsinin əməkdaşı Şəhla Mirzəzadə koronavirusla effektiv mübarizə aparmaq üçün tibbi maskaların istifadəyə yararlılıq müddəti də daxil olmaqla ümumilikdə tibbi maskalardan düzgün istifadə barədə Space TV-nin “Xəbərlər” verilişinə müsahibə verib.

 

O, qeyd edib ki, maskalardan istifadə müddəti onların növündən asılıdır. Koronavirusdan qorunmaq üçün istifadə edilən sadə tibbi maskalar mütləq şəkildə 2-3 saatdan bir dəyişdirilməlidir:

 

"Maskanı istifadə müddətindən sonra da taxdıqda, onu çıxardıqdan sonra viruslar daha sürətlə yayılır, infeksiyalaşma riksi artır. Uzunmüddətli maska çirklənmiş maska deməkdir.

 

Eyni zamanda maskada zədələnmə, yaxud nəmlik varsa, onu mütləq yenisi ilə əvəz etmək lazımdır".