Antimikrob preparatlara davamlılıqla bağlı müzakirə aparmaq və antibiotiklərin düzgün istifadəsi barədə məlumatlılığı artırmaq üçün Ümumdünya Səhiyyə Təşkilatının Azərbaycandakı nümayəndəliyi Səhiyyə Nazirliyi, TƏBİB və Qida Təhlükəsizliyi Agentliyi ilə birlikdə onlayn brifinq təşkil edib.

Aztibb.az xəbər verir ki, brifinqdə qrip mövsümündə və COVID-19 pandemiyası dövründə antibiotiklərin düzgün istifadəsinin vacibliyi vurğulanıb. antibiotiklərə davamlılığa qarşı birgə fəaliyyətə çağırılıb.

Hər il Ümumdünya Antimikrob Preparatlardan Düzgün İstifadəyə dair Maarifləndirmə Həftəsi qlobal antimikrob preparatlara davamlılıq barədə məlumatlılığı artırmağa, dərmanlara davamlı infeksiyaların yaranmasının və yayılmasının qarşısını almaq üçün geniş ictimaiyyət, tibb işçiləri və siyasətçilər arasında ən yaxşı təcrübələrin tətbiqinə təşviq edir.