Avropa İttifaqının (Aİ) maliyyələşdirdiyi “Sağlamlıq üçün Həmrəylik Təşəbbüsü” və "COVID-19 əleyhinə Vaksinasiyaya Dəstək" layihələri çərçivəsində Ümumdünya Səhiyyə Təşkilatının (ÜST) onlayn təlim platformasının (OpenWHO) Azərbaycan səhifəsinin təqdimatı ilə bağlı virtual görüş təşkil edilib.

Aztibb.az xəbər verir ki, görüşdə TƏBİB-in nümayəndələri və 150-dən çox tibb müəssisəsinin rəhbəri iştirak edib.

Tədbirdə ÜST-nin OpenWHO platforması haqqında məlumatlılığın artırılması və tibb işçilərinin bilik və bacarıqlarının təkmilləşdirilməsi üçün kurslara cəlb olunmasının əhəmiyyəti vurğulanıb.

Bildirilib ki, OpenWHO səhifəsində türk və rus dillərində kurslara keçid verilib. Platformada tez-tez verilən suallar bölməsi və “İnfeksiyanın profilaktikası və nəzarəti (İPN) üzrə liderlik və proqramın idarə edilməsi” kursu Azərbaycan dilində yerləşdirilib.