TƏBİB-in Könüllülük proqramı çərçivəsində Nizami Tibb Mərkəzində fəaliyyət göstərən könüllülərlə yekun görüş keçirilib.

 

Bildirilib ki, könüllülük fəaliyyətini başa vuran gənclərlə keçirilən görüşdə Nizami Tibb Mərkəzinin direktoru Vəfa Hüseynova iştirak edib. Görüş zamanı könüllülərlə səmimi fikir mübadiləsi aparılıb, onların fəaliyyət müddətində qazandıqları təcrübə və təəssüratları dinlənilib.

 

Vəfa Hüseynova könüllülərə fəaliyyətləri müddətində göstərdikləri təşəbbüs və dəstəyə görə təşəkkürünü bildirib, onlara gələcək fəaliyyətlərində uğurlar arzulayıb.

 

Görüşün sonunda könüllülərə fəaliyyətlərini təsdiq edən sertifikatlar təqdim olunub, xatirə şəkilləri çəkilib.

 

Qeyd edək ki, TƏBİB-in Könüllülük proqramı gənclərin tibb müəssisələrində praktiki təcrübə qazanmasına, peşəkar bacarıqlarını inkişaf etdirməsinə və vətəndaşlara göstərilən xidmətlərin daha səmərəli təşkilinə töhfə vermək məqsədi daşıyır.