Çinin “Sinovac” firmasının istehsal etdiyi koronavirusa qarşı “CoronaVac” vaksini Türkiyədə 700-dən çox səhiyyə işçisinin üzərində sınaqdan keçiriləcək.

Aztibb.az bu barədə www.medimagazin.com.tr saytına istinadla xəbər verir.

Türkiyənin Diclə Universiteti Yoluxucu xəstəliklər şöbəsinin müdiri və əyalət pandemiya heyətinin üzvü, professor Mustafa Kamal Çelen bildirib ki, könüllülər üzərində 14 mərkəzdə sınaq aparılacaq. Onun sözlərinə görə, sınaqda iştirak edəcək könüllü 18-59 yaş arasında olmalıdır.

Yeri gəlmişkən, Avropa İttifaqı ilə “Pfizer/BioNTech” arasında əldə edilən razılığa görə COVID-19-a vaksini 300 milyon doza qarşılığında birlik şirkətə 4,65 milyard avro ödəyəcək. Bu isə bir dozanın 15,5 avroya başa gəlməsi deməkdir.

Qeyd edək ki, bu vaksini əslən türkiyəli alim Uğur Şahin hazırlayıb. “BioNTech” şirkətinin qurucusu və baş direktoru professor Uğur Şahin koronavirusa qarşı peyvəndin gələn ay hazır ola biləcəyini açıqlayıb.