Azərbaycan Tibb Universiteti (ATU) Elmi Araşdırmalar Mərkəzinin (EAM) əməkdaşının elmi məqaləsi "Scopus" platformasında Q1 (Quartile) kateqoriyasına daxil olan "Inorganic Chemistry Communications" jurnalında dərc edilib.

 

EAM-ın Tibbi kimya şöbəsinin baş elmi işçisi Əsmət Əzizovanın məqaləsi “Supramolecular assembly of lead(II) complexes with a hexamethyleneimine-bearing thiosemicarbazone: interplay between traditional tetrel bonds and “like-like” Pb···Pb interactions” adlanır.

 

Məqalədə EAM əməkldaşları tərəfindən sintez edilmiş qurğuşunun bir və çoxnüvəli supramolekulyar dizaynlı kompleks birləşmələrinin quruluşu Rentgen Quruluş Analizi vasitəsilə tədqiq edilib.

 

Müəyyən olunub ki, çoxnüvəli kompleksdə polimer zəncirinin mövcudluğuna baxmayaraq, metal-metal rabitəsi yaranmır. Məhz bu rabitənin olmaması metal atomları arasında müxtəlif konformasiyaların formalaşmasına şərait yaradır.