AMEA-nın vitse-prezidenti, Kataliz və Qeyri-üzvi Kimya İnstitutunun direktoru, akademik Dilqəm Tağıyev və Azərbaycan Tibb Universitetinin müəllimi, kimya üzrə fəlsəfə doktoru Çimnaz İsmayılovanın “Biofiziki və bioüzvi kimya” kitabı çapdan çıxıb.

Bu barədə Aztibb.az-a AMEA-dan məlumat verilib.

Bildirilib ki, biofiziki və bioüzvi kimya elminin son illərdə sürətlə inkişafı, yeni elmi məlumatlarla zənginləşməsi, eləcədə təhsil sahəsində aparılan islahatlar bu fənnin müasir tələblərə cavab verən səviyyədə tərtib edilməsini zəruri edib. Adıçəkilən fənndən müxtəlif dillərdə yazılmış irihəcmli dərsliklərin kifayət qədər çox olmasına baxmayaraq, Azərbaycan dilində təhsil alan tələbələrin mövcud proqramı əhatə edən yığcam və tibb ixtisası yönümlü dərsliyə böyük ehtiyacları olub. Bunu nəzərə alaraq “Biofiziki və bioüzvi kimya” dərsliyinin hazırlanması məqsədəuyğun hesab edilib. Dərslikdə üzvi birləşmələrin dərman maddələri kimi istifadə olunan siniflərinə daha çox yer verilib.

Dərslik Azərbaycan Tibb Universitetinin tələbələri üçün nəzərdə tutulsa da, ondan kimyaçılar, elmi işçilər, magistr və doktorantlar, biologiya ixtisasına yiyələnən tələbələr də istifadə edə bilərlər.