Şəkərli diabetin erkən müəyyən edilməsində böyük əhəmiyyəti olan bu “Diabetik profilli” müayinəyə HbA1C, qanda qlükoza, C-peptid, qlükoza-tolerant testi, qlükoza, insulin rezistentliyi və insulin analizləri daxildir.

 

Şəkərli diabet – orqanizm tərəfindən yaradılan insulinin kifayət qədər olmaması və ya onun təsir effektinin pozulması nəticəsində meydana çıxan, qanda şəkərin yüksəlməsi ilə xarakterizə olunan xroniki endokrin xəstəlikdir. Bu xəstəliyin əsas xüsusiyyətlərindən biri odur ki, erkən mərhələdə özünü göstərmir, orqanizmdə gizli gedir. Onu adətən laborator analizlər vasitəsilə müəyyən etmək mümkündür.

 

Prediabetik vəziyyət təhlükəli olmasına baxmayaraq, tamamilə müalicə edilə bilər. Susuzluq, ağızda quruluq, heç bir səbəb olmadan arıqlama, zəiflik, dəridə qaşınma əlamətləri hiss edildikdə mütləq “Diabetik profilli” laborator müayinədən keçmək tövsiyə olunur.