Türk əsilli iki həkim Dr. Özlem Türeci ilə Prof. Dr. Uğur Şahin koronavirus vaksinini ixtira etdiklərini açıqlayıb.

Ümumdünya Səhiyyə Təşkilatının məlumatına görə, Amerikanın əczaçılıq nəhəngi “Pfizer” ilə hər iki həkimin həmtəsisçiləri olduğu Almaniyanın “BioNTech” firmasının yeni növ koronavirusa (COVID-19) qarşı hazırladıqları potensial vaksinin virusa qarşı 90% təsirli olduğu açıqlanıb.

Uğur Şahin açıqlamasında “2021-ci ilin ilk üç ayında Türkiyəyə vaksin gətirmə imkanı olacaq. Səhiyyə Nazirliyi neçə dozaya ehtiyac olduğunu və zamanını bildirərsə, ölkə üçün o qədər vaksin ayırmağı düşünürük”, - deyə bildirib.

“New York Times” qəzetinə açıqlama verən hər iki həkim 8 noyabrda sınaqdan keçirilən vaksinin 90 faiz təsiri olduğunu və zəfəri türk çayı dəmləyərək qeyd etdiklərini bildirib.

Dr. Şahin  2021-ci ildə 1, 5 milyard doza vaksin hazırlanacağını söyləyib.

Qeyd olunub ki, vaksin üçün Səhiyyə Nazirliyi ilə əməkdaşlığın detalları dəqiqləşdirilir. Təsdiq olduğu halda vaksinin paylaşılmasına start veriləcək. İstiliyə həssas olan vaksinin dünyanın başqa nöqtələrinə necə daşınacağı isə müzakirə mövzusudur.

Qəzet “COVID- 19”u həll edəcək vaksinin arxasında dayanan ər-arvad” başlıqda məqaləni dərc edib. Həmçinin İngiltərənin “Times” qəzeti cütlük barədə məqalə yayımlayıb. “The Guardian” isə “Vaksinin arxasında röya qrupu” başlığı ilə yazı paylaşıb.

Qeyd edək ki, Dr. Özlem Türeci ilə Prof. Dr. Uğur Şahin 21 milyard dollar sərvəti ilə Almaniyanın ən zəngin 93-cü cütlüyüdür.