Tibb bacısı Julie McFadden ölüm ərəfəsində insanların başına gələnlərlə bağlı müşahidələrini bölüşüb.

Aztibb.az "Actualnews" portalına istinadən yazır ki, tibb bacısı müəllifi olduğu "Qorxulacaq heç bir şey" kitabında xəstələrin dərin yuxuya getdikləri zaman sonun yaxınlaşdığını hiss etməyə başladığını təsvir edir. Bu vəziyyət bir neçə saatdan bir neçə günə qədər davam edə bilər və ölümü yaxınlaşan insan getdikcə daha çox yatır.

Xəstələrini müşahidə edən Julie qeyd edib ki, belə olduqda insanın görünüşdəki dəyişikliklər aydın nəzərə çarpır - dəri və göz rəngi dəyişir, nəfəs yavaşlayır. Əzələlərin boşalması səbəbindən ağız və gözlər bir az açıla bilər ki, bu da yaxınları arasında sevdiklərinin əziyyət çəkdiyini düşünən yanlış təsəvvürlərə səbəb olur.

Bununla belə, tibb bacısı vurğulayır ki, əgər insan sakit görünürsə, deməli, hər şey qaydasındadır. O deyir ki, ölüm təbii proseslərlə müşayiət olunur: bədən ketoz vəziyyətinə düşməyə başlayır və ağrıları aradan qaldırmağa kömək edən endorfin və digər hormonların səviyyəsi artır.

Ömrünün son anlarında bir çox xəstə ölmüş qohumlarını, dostlarını və hətta ev heyvanlarını görməyə başlayır ki, bu da onların son səfərində rahatlıq rolunu oynayır.