COVID-19 xəstələri rasionlarında duzlu qidaların miqdarını məhdudlaşdırmalıdır.

Aztibb.az riamo.ru-ya istinadən xəbər verir ki, bu barədə rusiyalı həkim-terapevt Filipp Kuzmenko xəbərdarlıq edib.

Onun sözlərinə görə, bədəndə düzgün su-duz tarazlığını qorumaq koronavirus xəstələrinin müalicəsində vacib amildir. Belə ki, duzlu qidalar susuzlaşdırma ilə yanaşı, qanı daha da qatılaşdırır, bu isə koronavirusla mübarizədə zərərlidir.

"Duz toxumadakı maye komponentini çıxarır, damarlarda isə qalınlaşma baş verir", - deyə F.Kuzmenko bildirib.

O, həmçinin alkoqol istifadəsinin də məhdudlaşdırılmasının vacibliyini vurğulayıb. Mütəxəssisin sözlərinə görə, bu cür içkilər digər zərərləri ilə yanaşı, dehidrasiyaya (bədənin susuzlaşmasına) səbəb olur.