Koronavirusa yoluxma zamanı alkoqoldan istifadə xəstəliyin müddətinin formasını dəyişdirə bilər.

Aztibb.az iz.ru-ya istinadən xəbər verir ki, bu barədə "Sputnik" radiosuna müsahibəsində Rusiyanın "İsayev doktorun Klinikası"nın rəhbəri, həkim-narkoloq Ruslan İsayev bildirib.

Onun sözlərinə görə, koronavirus infeksiyasının ağırlığı insan orqanizminin qoruyucu xüsusiyyətlərindən asılıdır. Akoqoldan istifadə COVID-19-a yoluxmuş insanın immunitetini məhv edir və buna görə spirtli içki qəbul edən insan xəstəliyin ağır forması riski ilə üzləşir.

"Əgər insan yüngül formalı koronavirusa yoluxursa, onda alkoqoldan istifadə bunu xəstəliyin orta və ya ağır formasına çevirə bilər.  Eləcə də müalicə zamanı istifadə olunan dərmanlarla spirtin qarışdırılması ciddi fəsadlara və nəticələrə səbəb ola bilər”, - deyə narkoloq bildirib.

Ruslan İsayev xatırladıb ki, koronavirusdan müalicə zamanı tətbiq edilən bir çox dərmanlar alkoqolla uyğun gəlmir: "Söhbət hər şeydən əvvəl antibiotiklərdən gedir. Bu preparatlar öz-özlüyündə əlavə təsirlər yarada bilər, amma alkoqol əlavə ağırlaşmaların ortaya çıxmasına imkan yaradacaq".