Qan istehsal edilməyən bir toxumadır və hazırda yeganə mənbəyi sağlam qan ianəçiləridir. Qan ianəsi həm ictimai, həm fərdi baxımdan böyük əhəmiyyət daşıyır. Əgər qan verilsə orqanizm yeni qan istehsal edir və bunun orqanizm üçün faydası çoxdur.

 

Aztibb.az-ın məlumatına görə, qan verən insanın bilməsi vacib olan şərtlər vardır. Qan vermək insanda qan hüceyrələrinin təzələnməsinə, qandakı yağın miqdarının azalmasına, baş ağrıları, stress, yüksək qan-damar təzyiqi, yorğunluq kimi narahatlıqların azalmasına yaxşı təsir edər.

Qan verən insanda ürək xəstəliklərinin baş vermə riski 90% aşagı düşür.

 

Kimlər qan verə bilməz?

 

-Hepatit B-heç bir zaman qan verə bilməzlər;

-Hepatit C-heç bir zaman qan verə bilməzlər;

-AIDS-heç bir zaman qan verə bilməzlər;

-Malyariya – müalicə olunandan 3 il sonra qan verə bilərlər;

-Vərəm – müalicə olunandan 5 il sonra qan verə bilərlər;

-Hamilələr qan verə bilməzlər. Doğum və ya hamiləliyin sonlandırılmasından 6 həftə sonra qan verə bilərlər;

-Qanama meyli olanlar ömür boyu qan verə bilməzlər. Bronxit-xroniki xəstələr qan verə bilməz;

-Epilepsiya xəstələri qan verə bilməzlər;

-Böyük əməliyyatlardan sonra 6 ay boyunca qan verilə bilməz;

-Diabet – qanda şəkərin miqdarı normal olan halda qan verə bilər;

-Anemiya diaqnozu qoyulmuş insanlar donor ola bilməzlər;

-Allergiya – astma xəstələri qan verə bilməzlər. Allergiyası olanlar isə sadəcə allergiyalı olduqları zamanda qan verə bilməzlər;

-Cərrahi əməliyyat olunmuş insanlar 6 aydan sonra qan verə bilərlər;

-Ruhi xəstələr;

-Narkomaniya.