Parkinson xəstəliyi Alzheimer xəstəliyindən sonra ən çox rast gəlinən degenerativ xəstəlikdir. Mərkəzi sinir sistemində defamin neyronların məhv olması ilə inkişaf edir. Parkinson xəstəliyi adətən 60 yaşdan sonra əmələ gəlir.

Bu barədə Aztibb.az-a Hacıqabul Rayon Mərkəzi Xəstəxanasının həkim-psixiatrı Dilavər Qurbanov Parkinson xəstəliyi haqqında danışarkən bildirib.

Onun sözlərinə görə, Parkinson xəstəliyinin səbəbləri hələ tam aydınlaşmayıb. Xəstəlik genetik meyl və ətraf mühit faktorlarının qarşılıqlı təsiri nəticəsində yarana bilər. Pestidisidlər ağır metallar və bəzi kimyəvi maddələr kimi toksinlərin xəstəliyə səbəb olması ehtimalı üzərində tədqiqatlar davam edir.

D.Qurbanov qeyd edib ki, kəllə beyin travması, neyroinfeksiyalar da parkinson əlamətlərinin yaranmasına gətirib çıxara bilər:

"Bu xəstəlik adətən titrəmə əzələ sərtliyi ,hərəkətlərin yavaşıması ilə başlayır. Əlamətlər tədricən inkişaf edir. Hərəkətlər getdikcə məhdudlaşır, yerimək çətinləşir. Xəstə gövdə önə əyilmiş vəziyyətdə xırda addımlarla yeriyir. Ətraflarda əzələ tonusu kəskin yüksəlir. ’’Dişli çarx sindromu’’, ’’xırda pul sayma ” simptomu olur. Parkinson xəstəliyinin akineto - rigid, əsmə formaları olur".

Psixiatr əlavə edib ki, Akineto – rigid formada hərəkətlər tam məhdudlaşır, yeriş kəskin çətinləşir, bəzən tam pozulur. Xəstəlik inkişaf etdikcə ruhi sferada dəyişikliklər yaranır. Yaddaş zəifliyi – demensiya inkişaf edir, yuxu pozğunluğu, intellektin enməsi, digər psixi pozuntular yaranır.

"Xəstəliyin müalicəsi zamanı əzələ tonusunun tremoru azaldan, neyronların funksiyasını bərpa edən dərman vasitələri Nakom, Cikladol, Midokalm, Serebrolizin, Kortexin, Ornovin, Qabavin, Liposom, Memantin, Pirasetam və s. dərman vasitələrindən istifadə olunur.

Təbii vasitələrlə müalicə :
1.Qıjı bitkisinin kökündən vanna şəkilində istifadə olunur;
2.Dəfnə yarpaqlarından hazırlanan məlhəm formasından istifadə olunur;
3.Ayaqlarda olan əsməni aradan qaldırmaq üçün Lavanda bitkisindən istifadə etmək olar.

Parkinson xəstəsinin ümumi halını yaxşılaşdırmaq üçün itburnu və şalfey dəmləməsi yaxşı effekt verir", - deyə o, bildirib.