Bir qrup həkim ön cəbhə üçün tibbi ləvazimatlar və dərmanlar almaq məqsədilə pul vəsaiti toplayıb. Bu barədə həkim-nefroloq Müşfiq Bəbirov “Facebook” sosial şəbəkəsində məlumat verib. O, qeyd edib ki, dərmanları topdan qiymətə təşkil edən şəxsin özü də bu təşəbbüsə qoşularaq maddi yardım göstərib.

Digər bir şəxs isə kifayət qədər böyük məbləğdə pul xərcləyərək əsgərlər və həkimlər üçün isti geyimlər, gündəlik istifadə malları və digər lazımi əşyaları alıblar:

“Onların hər biri bu kəlməni dedilər: Vətən sağ olsun. Əsgərlərimizə canımız da qurbandır. Buradan onlara öz və həkimlərimiz adından dərin təşəkkürümü bildirirəm.

Biz birlikdə güclüyük və çox əzəmətli xalqıq. Bundan sonra qarşımızda heç bir düşmən tab gətirə bilməz.

Tanrı ordumuzu qorusun. Tanrı əsgərlərimizi qorusun”.