Aztibb.az-a Xəstəxanadan bildirilib ki, tədbirdə müəssisənin direktor müavini, baş həkim Vüsalə Qələndərova, Ginekologiya və doğum şöbəsinin müdiri Nigar Quliyeva, İlkin səhiyyə xidmətinin şöbə müdiri Nailə Şəmilova, Göygöl Rayon Gigiyena və Epidemiologiya şöbəsinin müdiri Səxavət Əsədov, eləcə də tibb müəssisəsinin tabeliyində olan kənd tibb məntəqələrinin müdirləri və tibb işçiləri iştirak ediblər.

 

İlk olaraq Göygöl Rayon Gigiyena və Epidemiologiya şöbəsinin müdiri Səxavət Əsədov çıxış edərək uşaqlarda və körpələrdə peyvəndin əhəmiyyəti, peyvəndlərin vacibliyi və təhlükəsizliyi yeni gətirilmiş heska peyvəndi barədə məlumat verib.

 

Tibb müəssisəsinin Ginekologiya və doğum şöbəsinin müdiri Nigar Quliyeva çıxış edərək iclas iştirakçılarına fizioloji hamiləliyi olan qadınlara antenatal qulluq, fizioloji hamiləliyin gedişi üzərində müşahidənin və müayinənin düzgün aparılması və bununla da hamiləliyin ağırlaşmalarının qarşısının alınması, hamiləliklə bağlı patoloji vəziyyətlərin vaxtında aşkarlanması , antenatal xidmət müəssisələrində tibb işçilərinin məsləhətvermə səriştəsi barədə iclas iştirakçılarına geniş məlumat verib.

 

Daha sonra İlkin səhiyyə xidmətlərinin şöbə müdiri Nailə Şəmilova çıxış edərək İlkin səhiyyə xidmətinin fəaliyyəti, patronaj xidməti, eləcə də uşaqlar arasında profilaktik peyvəndlənmə və dispanserizasiyanın aparılması barədə fikirlərini bölüşüb.

 

Tədbir mövzu ətrafında müzakirələrlə davam edib.