Səhiyyə Nazirliyi Respublika QİÇS-lə Mübarizə Mərkəzinin Mingəçevir Regional Laboratoriyasının mütəxəssisləri Ağdaş Dövlət Humanitar Kollecində İİV-lə bağlı maarifləndirmə aksiyası təşkil ediblər.

 

Mərkəzdən Aztibb.az-a verilən məlumata görə, həkimlər İnsanın İmmunçatışmazlığı Virusu (İİV) və Qazanılmış İmmun Çatışmazlığı Sindromu (QİÇS) haqqında ətraflı məlumat veriblər. Bu virusa yoluxanların bir çox xəstəliklərə asanlıqla tutulduğunu diqqətə çatdırıblar. Həmçinin xəstəliyin yoluxma yolları, ödənişsiz, anonim qaydada müayinəsi və müalicəsi barədə açıqlamalar veriliblər.

 

Sonda şagirdlərə İİV/QİÇS-ə aid broşurlar, bukletlər paylanıb, xəbərdaredici məlumatlar verilib, onları maraqlandıran suallar cavablandırılıb.